MAGELLANICA

MAGELLANICA

vulgo la Magellanique, regio Americae Meridionalis, amplissima versus Austrum, inter fluv. Argenteum ad Boream et fretum Magellanicum ad Meridiem, sic dicta a Ferdinando Magellano Lusitano. Sed nulla urbs in toto illo tractu, neque colonia Europaeorum. Alias Hispani construxerant urbem quandam, Philippopolim dictam, in parte Boreali freti Magellanici, eoque coloniam duxerant maximis sumptibus. ut sic Anglorum et Batavorum naves per fretum transeuntes tormentis bellicis impeterent; sed is frustra tentarunt, et paulo post illa colonia omnino excidit, fame aliisqueve miseriis necata: unde postea Angli, qui per hoc fretum transierunt, illius Philippopolis rudera Portum Famis, porto Fame, vocârunt; vixque eius apparent vestigia.